Aziz bitiruvchilar!

Bugun Siz bilan birga butun O‘zbekistondan 414,6 ming nafar yosh yigit-qizlar katta hayot ostonasiga ilk qadamini qo‘ymoqda.

Tadbirkorlikni rivojlantirish kompaniyasi jamoasi har biringizga kelgusi o‘qishingiz va ishingizda zafarlar tilab qoladi.

Xorijiy tillarni o‘rganing, ko‘proq sayohat qiling, turli davlatlar va ularning madaniyatlari bilan yaqindan tanishing, uyingizda shaxsiy kitob burchagini yarating va dunyo qarashingizni tinimsiz kengaytirib boring.

Taʼkidlash joiz, Kompaniya hozirga qadar 27 ta xususiy taʼlim tashkilotini barpo etish, jihozlash va uskunalar bilan taʼminlashda qo‘llab-quvvatlagan va hozirgi kunda ham yordam ko‘rsatib kelmoqda. Ishonamizki, sizning orangizdan ham kelgusida barcha sohalar kabi bizning yo‘nalishda ham yetuk salohiyatli kadrlar yetishib chiqadi.

«Tadbirkorlikni rivojlantirish kompaniyasi» AJ
Axborot xizmati